Выпускніку

ВЫБАР ВНУ

Вельмі хутка празвініць апошні званок. Яшчэ імгненне - і выпускны вечар апынецца ззаду. Выпускнікі ўжо даўно вызначыліся з будучай прафесіяй, але як ідзе з выбарам ВНУ? Для многіх - гэта тэма на сённяшні дзень вельмі актуальная, бо, напрыклад, прафесію ўрача можна атрымаць у некалькіх навучальных установах - у Гомелі, Гродне, Віцебску і ў медінстытуце сталіцы. Куды ж падаваць дакументы?

Для большасці выпускнікоў вызначальным з'яўляецца выбар - чым бліжэй да дома, тым лепш. Трэба сказаць, што гэта не заўжды правільна. Звернеце ўвагу на тое, што не кожная ВНУ дасць Вам магчымасць атрымаць неабходную спецыялізацыю. Напрыклад, калі Вы падаеце дакументы ў медінстытут г. Гомеля з марай стаць у будучыні лекарам стаматолагам, то мара, нажаль, не ажыццявіцца, бо такой спецыялізацыі ў дадзенай ВНУ няма.

Сёння вышэйшай адукацыяй ужо нікога не здзівіш. Велізарны попыт на адукацыйныя паслугі спарадзіў вялізную колькасць разнастайных навучальных устаноў дзяржаўнага і недзяржаўнага забеспячэння. Яшчэ адной памылкай можа стаць выбар цалкам камерцыйнай ВНУ. У любой прэстыжнай навучальнай установе павінны быць бюджэтныя месцы. Калі ВНУ цалкам камерцыйная, то высокая верагоднасць, што там не вучаць, а займаюцца заробкам грошай, якія выцягваюцца са студэнтаў.

У прэстыжнай ВНУ, якая гарантуе атрыманне якаснай адукацыі і выпуск высокакваліфікаваных спецыялістаў, павінен быць салідны тэрмін існавання. І гэта не 5 - 6 гадоў, а дзесяцігоддзі! Прэстыжна, калі ВНУ мае міжнародныя сувязі. Гэта дае шанц атрымаць стажыроўку за мяжой, што зараз шырока практыкуецца.

Для моцнай паловы пры выбары ВНУ вялікім плюсам будзе наяўнасць вайсковай кафедры. У дадзеным выпадку пасля заканчэння ВНУ над маладым спецыялістам ужо не ўплывае маючая адбыцца служба ў арміі.

Яшчэ адным вызначальным момантам можа паслужыць наяўнасць інтэрната. Часам лепш паехаць вучыцца ў Мінск і жыць у недарагім студэнцкім інтэрнаце, чым свабодна ездзіць у Гомель і здымаць кватэру.

І ў заключэнне падушыце, ваша будучыня залежыць толькі ад вас, а правільна абраная ВНУ – гэта надзейная будучыня!