Аздараўленчы лагер "На крок наперадзе"

      26 снежня 2023 года ў Валеўскай сярэдняй школе гасцінна расчыніў свае дзверы аздараўленчы лагер пад яскравай назвай “На шаг впереди!”. Змена сёлета – незвычайная, змена – лідэрская, а гэта значыць, што кожнаму выхаванцу прадстаўлена ўнікальная магчымасць праявіць сябе, арганізаваць, захапіць і павесці за сабой сяброў.

         Сімвалам сваёй змены атрад “Новае пакаленне” абраў здавалася б  на першы погляд звычайную сяжынку, але невыпадкова: як не бывае ў прыродзе аднолькавых сняжынак, кожная з іх непаўторна і іх узоры ніколі не паўтараюцца, так не існуе і аднолькавых людзей – усе мы розныя, але усе па-свойму таленавітыя і ўнікальныя.

       У першы дзень  лагера рабяты актыўна ўключыліся ў работу па падрыхтоўцы да  адкрыцця лагернай змены: распрацавалі эмблему “У нас адна планета – адна будучыня”, аформілі атрадны вугалок, развучылі дэвіз і рэчоўкі. Экран настрою падцвердзіў дзіцячую бадзёрасць, радасць і накіраванасць на мэту. Камандзірам атрада рабяты выбралі Барысаву Людмілу.

        Мінутка бяспекі і здароўя пачалася з абмеркавання законаў лагера, якія рабяты прынялі “на ўра”. Разам выпрацавалі правілы паводзін выхаванцаў у лагеры і правілы паводзін у сталовай. Асобным блокам мінуткі бяспекі стаў блок “Зима прекрасна, когда безопасна!”

       Дзелавая гульня “Расскажы мне пра сябе” складалася з трох блокаў.

1. Разважаю аб сабе. Самапазнанне.

Дзецям было прапанавана запоўніць анкету-самахарактарыстыку і вызначыць магчымыя шляхі для самавыхавання. Далей кожны прадставіў сябрам творчае апавяданне пра сябе, з абавязковым раскрыццём сваіх талентаў і здольнасцей.

2.Пажаданне сябру.

Пажаданні выхаванцаў  адзін аднаму атрымаліся вельмі шчырыя і сардэчныя. Дзеці зрабілі выснову аб шматзначнасці і непаўторнасці слова “дружба” і аб вялікім шчасці для кожнага без выключэння чалавека мець у жыцці сапраўдных сяброў.

3.Лідэр – які ен?!

Рабяты абмяркоўвалі што такое лідэрства і каго можна назваць сапраўдным лідэрам. Разважалі аб якасцях лідэра і прывычках паспяховых людзей, разам вызначылі рэкамендацыі “Як стаць лідэрам…”. Асабліва цікавым для выхаванцаў стала слоўнае маляванне партрэта сучаснага вучня 21 стагоддзя і распрацоўка матрыцы паводзін “Я паспяховы вучань”. Кульмінацыйным момантам дадзенага этапа стала гульня “В_ключи лидера!” – спроба выхаванцаў сябе ў ролі лідэра-арганізатара і як паказала практыка – гэта зусім не проста.

     Конкурс малюнкаў “Здаровы лад жыцця – гэта …” паказаў дзіцячую неабыякавсць да свайго здароўя. Дэвізам конкурса сталі словы “Здаровы я – здаровая краіна!”

     Весела, эмацыянальна, імкліва, разнастайна – менавіта такую ацэнку атрымала этафета “Здаравячок” і гульні на свежым паветры.

     Завяршыўся дзень найбольш спадабаўшайся рабятам рэчоўкай “Мы молодёж 21 века, всегда и везде мы добъёмся успеха”.

Другі дзень лідэрскай змены аздараўленчага лагера “На шаг впереди” стаў сапраўднай пляцоўкай дзіцячых талентаў і самавыражэння. З выдатным настроем выхаванцы прыйшлі на ўрачыстую лінейку, прысвечаную адкрыццю змены, якая адрознівалася шматграннасцю станоўчых эмоцый, надзей і чаканняў.

Ярка і непаўторна прайшоў канцэрт зорак “Мінута славы”. Выхаванцы спявалі песні, танцавалі, адрасавалі сябрам вершаваныя навагоднія пажаданні. А той факт, што імправізаваная сцэна ладзілася каля галоўнай гераіні навагодняга свята – елкі, надаваў канцэртнай праграме асабліва ўзвышаны і нават казачны настрой. Выхаванцы праявілі сябе сапраўднымі артыстамі, а педагогі лішні раз упэўніліся ў таленавітасці і непаўторнасці сваіх вучняў.

Мінутка здароўя сягодня была прысвечана правільнаму харчаванню. Асабліва спадабалася дзецям, што правлілы здаровага харчавання паўтаралі з імі героі мультыплікацыйнага фільма. Рабяты зрабілі вельмі важныя для сябе высновы аб непарыўнай сувязі правільнага харчавання і здароўя чалавека, аб вялікім значэнні збалансаванага харчавання для растучага дзіцячага арганізма.

Прагляд і абмеркаванне відэароліка “Топ 10 лепшых спартсменаў у гісторыі Беларусі” дазволілі выхаванцам адчуць пачуццё гонару за сваіх землякоў, за сваю Радзіму. Многія рабяты выказалі меркаванне аб тым, што у будучым хацелі б звязаць сваё жыццё са спортам і таму цяпер наведваюць секцыю лёгкай атлетыкі ў спартыўнай школе, якая працуе на базе ўстановы адукацыі і менавіта таму з нецярпеннем чакалі нашай зімовай лірэрска-спартыўнай змены аздараўленчага лагера. Разважанні аб спорце і выдатных спартсменах матывавалі дзяцей актыўна далучыцца да конкурса малюнкаў “Спорт і я!” і ўвасабіць свае мары на лістах паперы. Так у нас на малюнках з’явіліся будучыя гімнасты, футбалісты, тэнесісты і нават цяжолаатлеты! Адметна, што дзеці ў сваіх марах свае будучыя перамогі прысвячалі роднай краіне – любімай Беларусі. У працяг тэмы на адным дыханні, весела, задорна і эмацыянальна прайшла спартландыя “Вышэй! Хутчэй! Спрытней!”, у выніку якаой перамагла дружба.

У завяршэнні насычанага і эмацыянальнага дня дзеці з задавальеннем гулялі ў любімыя рухомыя гульні на свежым паветры. І толькі адсутнасць сапраўднай зімы і снегу на хвілінку прымусілі засумаваць.

Трэці дзень работы аздараўленчага лагера “На шаг впереди” з асаблівым нецярпеннем чакалі выхаванцы атрада “Новае пакаленне”. Таму што менавіта 28 снежня да нас у лагер завітала сапраўднае навагодняе свята з дзядулем Марозам і Снягурачкай. Неверагоднае падарожжа ў казку, карнавальныя маскі, вясёлыя карагоды, песні, танцы каля навагодняй прыгажуні елкі нікога не аставілі абыякавымі. Прыемным сюрпрызам для кожнага стаў салодкі падарунак ад дзядулі Мароза. А навагодняя  лідэрская дыскатэка ўмацавала святочны настрой і прадоўжыла тэматыку лагернай змены.

“Ой, зіма, зіма, зіма, весялей цябе няма! Але…” пад такой назвай прайшла сягодня мінутка бяспекі, якая была накіравана на адпрацоўку правіл бяспечных паводзін у зімовы час.

Экскурсія ў аддзел Вялікай Айчыннай вайны школьнага Народнага гісторыка-краязнаўчага музея “Ніхто не забыты, нішто не забыта” стала для выхаванцаў сапраўдным падарожжам ў ваенны час, дала магчымасць далучыцца да гісторыі роднага краю і адчуць гонар за яго гістарычнае мінулае. Пад моцным уражаннем пасля экскурсіі, дзеці ўнеслі прапанову ўшанаваць памяць воінаў, загінуўшых у гады Вялікай Айчыннай вайны пры вызваленні вёскі Валеўка і пахаваны ў Брацкай магіле, якая знаходзіцца на тэрыторыі школы, мінутай маўчання.

Спартыўная эстафета “Два Маразы” зноў такі дала прадаўжэнне лідэрскай тэматыцы лагернай змены. Пад час эстафеты выхаванцы прявілі сябе хуткімі, спрытнымі, моцнымі і вельмі актыўнымі.

Дзень вырашана было закончыць рэчоўкай «Рваные джинсы, кеды, толстовки – всё это для обычной тусовки! Сила, единство, доброта, вдохновение – вот это и есть «Новое поколение»».

Дзень 29 снежня ў лагеры “На шаг впереди” пачаўся традыцыйна з мінуткі бяспекі: сягодня рабяты разважалі на актуальную тэму “Бяспечны Новы год”, разам, у гульнявой форме, сфармулявалі правілы ўстаноўкі навагодняй прыгажуні – елкі, правілы карыстання электрычнымі гірляндамі, хлапушкамі, бенгальскімі агнямі, засяродзілі ўвагу на небяспечнасці і недапусцімасці ўжывання дзецьмі піратэхнікі, петардаў і адкрытага агню.

Нездарма кажуць, што сям’я – гэта самае дарагое, што ёсць у жыцці кожнага чалавека… Выхаванцы атрада “Новае пакаленне” з асаблівым пачуццём цеплыні прынеслі сягодня ў лагер дарагія сэрцу сямейныя фотаздымкі і падрыхтаваліся да шчырай размовы аб сям’і. У чым сакрэт шчаслівай сям’і, хто дома галоўны, як распараджацца сямейным бюджэтам? Аб гэтым і не толькі з захапленнем і пяшчотай разважалі рабяты ў ходзе творчай майстэрні “Пад дахам дома майго”. Самыя ласкавыя і пранікнёныя словы былі падабраны дзецьмі да партрэта матулі пад час гульні “Матулін сад”. Надзвычай пяшчотнай атрымалася прагулка па “Алеі мацярынскіх клопатаў”, у выніку якой дзеці з упэўненасцю зазаначылі, што кожны чалавек, у любым узросце, і ў радасці і ў горы ўспамінае пра маму, чакае ад яе дапамогі, удзелу, парады. “Клумба працавітасці” дазволіла нагадаць як многа працуюць нашы матулі і зрабіць выснову, што нашы мамы як гузічкі: на іх усё трымаецца. А сапраўдная любоў да маці павінна выражацца не ў словах, а ва ўчынках і дапамозе роднаму чалавеку. У “Аранжэрэі прыгажосці” дзеці словамі намалявалі партрэты сваіх матуль. Апошнім прыпанкам падарожжа па Матуліным садзе стаў “Востраў дзіцячай падзякі”, дзяўчынкі і хлопчыкі па-дзіцячаму шчыра, прызналіся ў бяскрайняй любові да сваіх бацькоў, бабуль, дзядуль і паабяцалі штодзённа радаваць іх – самых дарагіх на свеце людзей.   Прадоўжылася творчая майстэрня конкурсам плакатаў “Утульны і бяспечны дом”. Дзецям было прапанована размясціць у цэнтр імправізаванай кватэры навагоднюю еклу , а далей – фантазія і творчасць. Конкурс атрымаўся незвычайным, таму што ў ім кожны ўдзельнік – пераможца і невыпадкова, бо для кожнага менавіта яго сям’я, яго дом – гэта самае цёплае месца на зямлі.

З цікавасцю выхаванцы аднесліся да прагляду жартоўнага фільма “Здаровы лад жыцця” з серыі “Ералаш” і наступнага сур’ёзнага навучальнага відэафільма па данай тэме. Лідэрскія здольнасці праявілі сястрычкі Дубовік Ксенія і Дубовік Крысціна пад час параўнальнага  абмеркавання прагледезеных відэаролікаў. У прадаўжэнне тэматыкі выхаванцы праявілі сябе ў ролі рэкламадацей і паспрабавалі аформіць палакаты-матыватары “Мы за здаровы лад жыцця!”

Сягодняшні дзень атрымаўся сюрпрызным – выхаванцаў у госці запраіслі работнікі Валеўскага сельскага Дома культуры і прапанавалі святочную навагоднюю праграму. З выдатным настроем, верай у цуда і навагоднюю казку дзеці падводзілі вынікі дня. А “Зімовыя паскакушкі” на свежым паветры дабавілі ўсім бадзёрсці і далі працяг лідэрскай змене лагера.

Асаблівым і адметным стаў для выхаванцаў атрада “Новае пакаленне” дзень трэцяга студзеня, таму што менавіта ў гэты дзень, пасля традыцыйнай мінуткі бяспекі, прысвечанай ролі асабістай гігіены ў жыцці чалавека, рабяты адправіліся ў падарожжа ў раённы цэнтр – горад Навагрудак.

Незабыўнай атрымалася прагулка па гарадской плошчы, якая вабіць навагрудчан і гасцей горада сваім чароўным і непаўроным навагоднім уборам. Дзеці весела вадзілі хараводы вакол  галоўнай гераіні святаў прыгажуні-елкі, з задавальненнем рабілі памятныя фотаздымкі ў крэатыўна аформленых фотазонах.

Сапраўдным падарункам для выхаванцаў лідэрскай лагернай змены стала экскурсія ў фізкультурна-аздараўленчы комплекс “Лідэр”, назва якога гаворыць сама за сябе. Знаёмства з накірункамі работы, спектрам паслуг, спартыўнай базай, абсталяваннем, структурай комплекса дазволіла кожнаму выхаванцу пабудаваць асабісты маршрут удасканалення і развіцця сваіх спартыўных магчымасцей і, што не мала важна, магчымы маршрут для ўмацавання здароўя.

Пасля вяртання ў школу, дзеці, мэтанакіраваныя займацца спортам, берагчы і умацоўваць сваё здароўе – галоўны скарб кожнага чалавека, з асаблівай адказнасцю і асэнсаваннем сур’ёзнасці справы разважалі пад час інтэрактыўнага занятку “Скажам шкодным звычкам НЕ!”. А творчы конкурс лістовак “Здароўе – гэта…” і прагляд відэароліка  “Азбука здароўя” сталі выдатным прадаўжэннем тэмы.

Закончыўся дзень спартыўна-забаўляльнай праграмай на свежым паветры “Будзь здаровы!”. Дзеці з задавальненнем уступілі ў спартыўную “спрэчку” і вельмі прыемна, што ў выніку, чарговы раз перамагла дружба.

Дзень атрымаўся насычаным як эмоцыямі, інфармацыяй і дзеяннямі.

Дзень 4 студзеня для выхаванцаў атрада “Новае пакаленне” лідэрскай змены зімовага аздараўленчага лагера “На шаг впереди” пачаўся традыцыйна з мінуткі бяспекі: сягодня рабяты адправіліся ў падарожжа па “краіне вітамініі” і чарговы раз паўтарылі азбуку здаровага харчавання.

Творчы вернісаж “Кім я хачу стаць?” даў магчымасць кожнаму выхаванцу паразважаць аб разнастайнасці свету прафесій і ступені важнасці кожнай з іх, аб запатрабаванасці спецыялістаў на рынку прафесій. Дзеці з захапленнем распавядалі аб прафесіях сваіх бацькоў і дзяліліся асабістымі прафесійнымі марамі на будучае. Вынікам разважанняў стала выстава творчых работ вучняў па дадзенай тэме.

Імправізаванай пляцоўкай лідэрскіх ініцыятыў стаў круглы стол “Я і мая малая Радзіма: маршрут пабудаваны” ў рамках якога выхаванцы запрашаліся да адкрытага мікрафона, галоўная мэта якога – канкрэтныя ідэі, справы на карысць роднай школы, вёскі, Свіцязянскага краю. Важна адзначыць дзіцячую зацікаўленасць, заклапочанасць і асэнсаванне таго, што ад іх самых, ад маладога пакалення Беларусі залежыць будучыня нашай Радзімы. Шмат добрых прапаноў прагучала з вуснаў маленькіх лідэраў і адметна, што з наступленнем вясны гэтыя прапановы дзеці гатовы і будуць рэалізоўваць.

Прадоўжыўся дзень праглядам і абмеркаваннем відэафільма “Брэсцкая крэпасць”. Агульны вынік выхаванцы сфармулявалі наступным чынам: дадзены фільм – гэта урок мужнасці і гераізму, вернасці і стойкасці, адданасці і непераможнасці; урок, які нельга забываць, таму што пакуль мы помнім, мы жывём.

Спартыўна-гульнявая праграма “Хутчэй! Далей!” спрыяла фарміраванню пачуцця калетывізму, таварыскасці, узаемавыручкі, умення кантраляваць свае ўчынкі. Дзеці “на ўра” прымалі новыя спартыўныя гульні і з задавальненнем гуляі ў іх. Прадаўжэннем і завяршэннем дня сталі гульні з доўгачаканым снегам на свежым паветры.

Апошні дзень работы лагера стаў адначасова сумным, таму што развітанне – гэта заўсёды сум, але разам з тым святочным і ўзвышаным, таму што ён, гэты дзень – напярэдадні вялікага свята Калядаў. У гэты дзень мы завіталі ў госці на Клядную сустрэчу пад назвай “Падарунак для Хрыста” у Праваслаўнае сястрыцтва ў горад Навагрудак. Захапляльны, яскравы, ілюстраваны аповяд сястры Ксеніі аб нараджэнні Хрыста, Калядная віктарына з салодкімі падарункамі, Калядная казка і мультыплікацыйны фільм нікога не пакінулі абыякавымі, а ў душах пасялілі веру ў вялікую сілу дабра, надзею і веру ў цуда.

Прадаўжэннем Каляднай сустрэчы, пасля вяртання ў школу, стала гульня “Куфэрак дабра”, пад час якой выхаванцы вучыліся знаходзіць і рабіць добрыя справы з самых звычайных прадметаў, зычыць адзін аднаму толькі самага найлепшага.

Прадоўжыўся дзень вялікай зімовай алімпіядай, пад час якой дзеці праявілі выдатныя спартыўныя здольнасці, камандны дух і сяброўскую падтрымку.

У завяршэнні дня прайшла ўрачыстая лінейка прысвечаная закрыццю лагернай змены і ўзнагароджанне самых актыўных выхаванцаў.