Дыялогавая пляцоўка “Радзіма мая Беларусь у асобах. З клопатам пра здароўе" (аб медыцынскіх работніках) у рамках рэалізацыі інфармацыйна-адукацыйнага праекта “ШАГ”

25 красавіка ў рамках рэалізацыі інфармацыйна-адукацыйнага праекта “ШАГ” ва ўстанове адукацыі была праведзена дыялогавая пляцоўка “Радзіма мая Беларусь у асобах. З клопатам пра здароўе" (аб медыцынскіх работніках).
Госцем дыялогавай пляцоўкі стала: Берзух Наталля Міхайлаўна – памочнік урача Валеўскай АУАП
У час рэалізацыі ШАГа1 “МЫ даведваемся” вучні 11класа прапанавалі прысутным актуалізаваць веды пра медыцыну, асноўныя дасягненні беларускіх медыкаў ў час інтэрактыўнай віктарыны “Мы даведваемся”, а таксама запрасілі ў партрэтную галерэю і пазнаёмілі з некаторымі знакамітымі асобамі ў сверы аховы здароўя.
“Сістэма аховы здароўя”, “клопат дзяржавы пра здароўе нацыі”, “здаровая нацыя”, “бясплатная і даступная медыцынская дапамога”, “экспарт медыцынскіх паслуг”, “медыцынскі турызм”, “высокакваліфікаваныя спецыялісты ў галіне медыцыны”, “кампетэнтнасць”, “міласэрнасць”, “самаадданасць” - гэтыя і многія іншыя паняцці былі ў фокусе абмеркавання удзельнікаў дыялогавай пляцоўкі.
У час рэалізацыі ШАГа 2 у фармаце праекта “100 пытанняў даросламу” удзельнік мелі магчымасць задаць пытанне Наталлі Міхайлаўне. Вучні даведаліся, што ўяўляе сабой працоўны дзень памочніка ўрача. Акрэслілі месца і ролю ўстаноў аховы здароўя ў фарміраванні актыўнай грамадзянскай пазіцыі. Наталля Міхайлаўна падзялілася ўражаннямі ад свайго першага працоўнага дня і першага пацыента. Дыялог атрымаўся даверлівым, цікавым і змястоўным.
ШАГ 3 “Мы дзейнічаем” – крок падвядзення вынікаў. Удзельнікі сустрэчы адзначылі актуальнасць абмяркоўваемай тэмы, закранутых пытанняў.
На апошняй хвіліне анансіравалі наступную тэму сустрэчы.