Адкрыццё выставы экспазіцыі “Ніколі не забудзем” прысвечанай генацыду беларускага народа у гады ВАВ

22 сакавіка 2023 года ў Валеўскай сярэдняй школе прайшлі адзіныя урокі прысвечаныя гадавіне трагедыі ў в. Хатынь. У рамках урокаў адбылося адкрыццё выставы экспазіцыі “Ніколі не забудзем” прысвечанай генацыду беларускага народа у гады ВАВ.
Ёсць падзеі, даты, імёны людзей, якія ўвайшлі ў гісторыю кожнага горада, вёскі, краіны і нават у гісторыю ўсёй Зямлі. Пра іх пішуць кнігі, складаюць вершы, музыку, расказваюць легенды. Галоўнае ж - пра іх памятаюць. І гэтая памяць перадаецца з пакалення ў пакаленне і не дае пацямнець падзеям мінулых гадоў.
На шчасце, мы не ведаем, што такое вайна, але мы шмат чулі пра яе ад дарослых. Напэўна, кожны з нас можа сказаць, што яго дзядуля ваяваў на фронце, такім чынам унёс неацэнны ўклад у разгром ворага. Вялікая Айчынная вайна стала цяжкім выпрабаваннем для нашай краіны. Вырашалася пытанне, ці будзе ў нас будучыня? Нягледзячы на голад, холад, страх, смерць… Мы перамаглі, абаранілі сваю Радзіму і пра гэта трэба памятаць.