Пазнавальная гульня “Агонь роднага ачага” для вучняў пачатковай школы

“Шчаслівы той чалавек, які шчаслівы ў сябе дома!” Пад такім дэвізам у школьную суботу для вучняў пачатковай школы была арганізавана пазнавальная гульня “Агонь роднага ачага”, якая спрыяла фарміраванню ў вучняў уяўлення аб сям’і, як аб людзях, якія любяць адзін аднаго, клапоцяцца адзін пра аднаго.
Ачаг быў для першабытнага чалавека асновай. У сучасным свеце выраз “родны ачаг” стаў абазначаць сям’ю, дом. Родны дом, родныя людзі, родная сям’я. Што можа быць даражэйшым? Даражэй мамы і таты? Гэта самыя любімыя, самыя блізкія нам людзі. Словы «бацькоўская хата», «сям’я» уваходзяць у нашу свядомасць з першых дзён жыцця. Тут мы робім першыя крокі. Адсюль ідзём у дарослае жыццё. І як важна падтрымаць у ім цеплыню, каб усім у ім было добра, каб хатні ачаг захаваўся ў памяці, у сэрцы кожнага на ўсё жыццё. Гэтыя непахісныя ісціны прымаліся і пацвярджаліся вучні!