Вернісаж малюнкаў "Мы шчаслівыя разам!"

Вельмі важна, каб у кожнага чалавека - і вялікага, і маленькага - у жыцці былі такія дзверы, у якія можна было б пастукацца ў любы час. І гэтыя запаветныя дзверы знаходзяцца ў доме, дзе жыве родная сям'я.
У суботу, 28 студзеня, вучні малодшых класаў стварылі вернісаж малюнкаў "Мы шчаслівыя разам!". Дзеці намалявалі свае сем'і, сваіх родных, сваіх сяброў, нават хатніх выхаванцаў... Кожны ўклаў у свой малюнак ласку і пяшчоту, любоў і павагу, жаданне быць разам і ў дні радасці, і ў дні смутку. Так яно і ёсць: калі ў сям'і ўсё добра - у сэрцы і на душы святлей.