Адкрыццё аздараўленчага лагера "Лінгвастранаведзія"

Лета - час гульняў, забаў, свабоды ў выбары заняткаў, зняцця назапашанага за год напружання, папаўнення зрасходаваных сіл, аднаўлення здароўя. Дзіцячы летні лагер - гэта выдатнае месца для раскрыцця творчага патэнцыялу дзіцяці, а таксама час дзіўных прыгод і адкрыццяў.
1 чэрвеня ў Валеўскай школе пачаў сваю працу дзіцячы летні лагер «Лінгвакраіназнаўства». За 18 дзён будзе здзейснена віртуальнае падарожжа па ўсім свеце з мэтай вывучэння традыцыі і культур іншых краін.
Першы летні дзень пачаўся з прыходу дзяцей і ранішняй зарадкі, каб дзеткі зарадзіліся станоўчымі эмоцыямі на ўвесь дзень.
Быў праведзены трэнінг па правілах бяспекі падчас знаходжання ў лагеры, каб дзеці ведалі свае правы і абавязкі і з імі нічога не здарылася.
Затым была праведзена гульня на знаёмства "Асацыяцыі па жывёлах" і гульня на выяўленне лідэра "Пабудуй", якія згуртавалі дзяцей і выявілі камандзіра атрада.
Пасля іх пачалася падрыхтоўка да адкрыцця лагера: развучванне дэвізу і песні, што было вельмі цікава дзецям. У выніку атрымаўся прыгожы атрадны куток і ўсе дзеці гатовы да адкрыцця лагера.
2022 год названы Годам гістарычнай памяці і лагер «Лінгвакраіназнаўства» ўшаноўвае памяць мінулага. У гонар гэтага прайшла гадзіна размовы "Сцежкай памяці" і праведзены конкурс малюнкаў "Вобразы зямлі роднай".
1 чэрвеня  - гэта не толькі першы дзень лета, гэта свята "Дзень абароны дзяцей". На пляцоўцы каля школы дзеці намалявалі на асфальце свае творчыя малюнкі, прысвечаныя гэтай тэматыцы.
Аздараўленчы сезон абяцае быць эмацыянальна насычаным, забаўляльным і адукацыйным. Усе ўдзельнікі лагера пашыраць свой кругагляд ведаў аб навакольных краінах.