Грамадзянска-патрыятычнае выхаванне:
Працоўная занятасць насельніцтва – адзін з прыярытэтаў сацыяльна-эканамічнага развіцця маладой беларускай дзяржавы. Арганічнай часткай сістэмы працаўладкавання ў нашай краіне сталі студэнцкія атрады БРСМ. Яны нясуць у сабе працоўны і выхаваўчы зарад, дазваляюць прафесійна зарыентавацца, атрымаць працоўныя навыкі і дадатковую спецыяльнасць, даюць магчымасць зарабіць першыя грошы.
Працаўладкаванне моладзі:
Мяняецца эпоха. Літаральна на вачах імкліва змяняецца тэмп жыцця, з'яўляюцца новыя тэхналогіі, моладзь становіцца больш прасунутай, усе працэсы праходзяць больш дынамічна. Але застаецца нязменнай жыццёвая каштоўнасць любой дзяржавы – патрыятызм яе грамадзян, які пачынаецца з любові да сваёй малой радзімы, да таго месца, дзе ты нарадзіўся і вырас, з гонару за сваю сям'ю, школу, вёску, пасёлак або горад, за людзей, якія жывуць побач. Беларуская моладзь шануе тое, што мае і разумее, што сёння Беларусь – гэта астравок міру, спакою і стабільнасці.
Падтрымка таленавітай і адоранай моладзі:
Удасканаленне сістэмы падтрымкі адоранай, таленавітай і здольнай да лідарства моладзі, раскрыццё яе творчага патэнцыялу з'яўляецца адным з прыярытэтаў Беларускага рэспубліканскага саюза моладзі. Пры гэтым галоўная задача, якую ставіць перад сабой наша арганізацыя – не толькі знайсці і дапамагчы раскрыцца таленавітым хлопцам і дзяўчатам, але і заняць маладых людзей карыснай, цікавай справай. Удзел моладзі ў творчых праектах БРСМ – гэта, перш за ўсё, магчымасць рэалізаваць сваю ідэю, праявіць свае здольнасці. Наш моладзевы Саюз – гэта платформа для развіцця свайго хобі, пашырэння меж і рамак мыслення, фантазій, уяўлення.
Прапаганда здаровага ладу жыцця:
У нашай краіне развіццё фізічнай культуры і спорту ўваходзіць у лік прыярытэтаў дзяржаўнай палітыкі. Спартыўныя традыцыі – адзін з ключавых фактараў, што спрыяюць пазнаванню і ўслаўленню нашай краіны ва ўсім свеце. Фарміраванне ў моладзевым асяроддзі моды на здаровы лад жыцця, аб'яднанне ўсіх тых, хто клапоціцца пра асабістае здароўе і здароўе сваёй сям'і і сяброў, развіццё масавага спорту – гэтымі важнымі каштоўнаснымі арыенцірамі Беларускі рэспубліканскі саюз моладзі кіруецца з першых дзён свайго ўтварэння.
Развіццё валанцёрскага руху:
Валанцёрскі рух і дабрачынная дзейнасць у сучасным грамадстве набываюць з кожным днём усё большае значэнне. Менавіта валанцёры сталі важным інструментам у вырашэнні значных сацыяльных задач і партнёрамі дзяржавы для развіцця грамадства. Актыўны ўдзел у прасоўванні інстытута добраахвотніцтва ў Беларусі адыгрывае наша моладзевая арганізацыя.
Міжнароднае супрацоўніцтва:
Моладзь ва ўсім свеце – надзея любой дзяржавы, гонар нацыі і аснова яе цывілізаванага развіцця, а моладзевая грамадская дыпламатыя адыгрывае значную ролю ў фарміраванні міждзяржаўных адносін і з'яўляецца залогам міру і спакою. Самая масавая беларуская моладзевая арганізацыя дае юнакам і дзяўчатам унікальную магчымасць стаць датычнымі да маштабных падзей міжнароднага ўзроўню: удзельнічаць у адукацыйных, валанцёрскіх і культурных праектах, а таксама двухбаковых абменах і прадстаўляць на міжнароднай арэне Рэспубліку Беларусь як краіну міру, стабільнасці, добрасуседства, адкрытую для сяброўства і зносін.
Праца з моладдзю ў інфармацыйнай прасторы:
Сёння інтэрнэт ахапіў увесь свет і ўсе сферы жыццядзейнасці чалавека. Галоўным драйверам трансфармацыі інтэрнэт-асяроддзя з'яўляецца першае лічбавае пакаленне, чыё сталенне адбываецца непарыўна ад тэхналогій – моладзь, якая на ляту падхоплівае трэнды і пачынае выкарыстоўваць іх у сваім паўсядзённым жыцці. Жыццё анлайн дыктуе свае правілы, і Беларускі рэспубліканскі саюз моладзі стаў часткай глабальнай медыйнай прасторы.
Прававое выхаванне моладзі:
Развіццё прававога грамадства з'яўляецца найважнейшым прыярытэтам беларускай дзяржавы, дзе прававая асвета моладзі выступае адной з цэнтральных задач дзяржаўнай моладзевай палітыкі краіны. Важна закладваць разуменне прававых асноў, а таксама неабходнасць захавання законаў з дзяцінства. Калі маладыя людзі ведаюць законы, выконваюць іх у сваёй паўсядзённай дзейнасці – будучыня Беларусі ў надзейных руках!
Падтрымка моладзевых ініцыятыў:
Праектаў шмат, але ты гатовы прапанаваць нешта па-сапраўднаму ўнікальнае і карыснае для краіны? Тады не адкладай «на потым» – прымай удзел у рэспубліканскім «Конкурсе моладзевых ініцыятыў», нацыянальным аператарам якога пры падтрымцы Міністэрства адукацыі Беларусі выступае БРСМ.
