“Святыні і помнікі Беларусі”: віртуальны тур для навучэнцаў Валеўскай сярэдняй школы

31 кастрычніка, у апошнюю школьную суботу чвэрці, навучэнцы здзейснілі займальнае падарожжа, не выходзячы са сцен школы. Мэтай сустрэчы было не проста расказаць дзецям пра гістарычныя мясціны, а дапамагчы адчуць веліч і духоўную прыгажосць роднага краю.

Маршрут экспрэса “Спадчына” ахапіў самыя значныя і сакральныя кропкі на карце нашай краіны. Школьнікі “наведалі” старажытны Полацк, дакрануліся да духоўных вытокаў беларускай дзяржаўнасці і даведаліся пра гісторыю Крыжа Еўфрасінні Полацкай. Затым віртуальны цягнік даставіў іх да велічных цвярдыняў — Мірскага і Нясвіжскага замкаў, якія захоўваюць таямніцы эпохі Радзівілаў. Асаблівая ўвага была нададзена месцам баявой і грамадзянскай славы. Аповед пра мужнасць абаронцаў Брэсцкай крэпасці і трагедыю спаленых вёсак Хатыні стаў самым эмацыйным момантам сустрэчы. Памяць загінуўшых дзеці ўшанавалі хвілінай маўчання. Завяршылася падарожжа там, дзе стагоддзямі жыве Жывая вера і пануе мір паміж канфесіямі — у Жыровічах і Будславе.

Фармат віртуальнага тура дазволіў зрабіць суботні дзень па-сапраўднаму жывым. Ролі экспертаў-экскурсаводаў на прыпынках узялі на сябе самі навучэнцы, што значна павысіла іх ўцягнутасць. Мерапрыемства суправаджалася інтэрактыўнымі віктарынамі і рэфлексіяй у фармаце "свабодны мікрафон", дзякуючы якому кожны школьнік змог падзяліцца сваімі ўражаннямі.