з 25 сакавіка па 30 сакавіка 2024 года
Дырэктар лагера Адашкевіч Іна Мікалаеўна
з 25 сакавіка па 30 сакавіка 2024 года
Дырэктар лагера Адашкевіч Іна Мікалаеўна
Ва ўстанове адукацыі гасцінна расчыніў дзверы профільны патрыятычны і духоўна-маральны аздараўленчы лагер "Нашчадкі" . Яго мэта: стварыць спрыяльныя ўмовы для ўмацавання здароўя і арганізацыі вольнага часу навучэнцаў, фарміраванне высокіх патрыятычных пачуццяў, знаёмства моладзі з духоўнай і культурнай спадчынай сваёй краіны.
15 юнакаў і дзяўчынак выбралі сваім адпачынкам у час веснавых канікулаў школьньны лагер і атрад “Спадчына” адправіўся ў цікавае падарожжа працягласцю ў 6 дзён . Знаёмства з гульнявым сюжэтам змены і прытчай лагера адбылося ў форме гутаркі “Размова па душам”.
Разам з выхавальнікамі лагера да працы прыступіў і педагагічны атрад, які складаецца з вучняў 9-11 класаў, арыентаваных на педагагічныя спецыяльнасці.На працягу чатырох гадоў, у час веснавых канікулаў, мы даём магчымасць моладзі па-сапраўднаму паспрабаваць сябе ў выбранай прафесіі.
Занятак у школе ЗОЖ быў прысвечаны правілам здаровага харчавання.
Сапраўдным святам для атрада “Спадчына” стала ўрачыстая лінейка адкрыцця лагера. У вершах і прозе нашы “Нашчадкі” прызнаваліся у любві сваёй Радзіме- Беларусі. Хлебам-соллю, па бацькоўскаму звычаю, юнакі і дзяўчаты віталі госця- айца Яўгенія.
Пасля лінейкі адкрыцця, дзеці з задавальненнем сталі ўдзельнікамі конкурса-эсэ “Ці ёсць нацыянальны код беларуса?” і конкурса радаводаў “Адкуль мае карані?”. Пераможцам абодвух конкурсаў стаў Адашкевіч Захар, яго эсэ і радавод папоўнілі куфар.
Педагагічны атрад прапавёў інтэрактыўную гульню " Па слядах Святой Еўфрасінні", прысвечанай нябеснай заступніцы Беларусі. У якой кожнаму з нас можна павучыцца любві да сваёй Радзімы і праваслаўнай веры.
Інтэграваны ўрок па гісторыі Беларусі і факультатыўнаму курсу
Еўфрасіння Полацкая – святая асветніца зямлі беларускай
У рубрыцы “Гонар Беларусі” прайшло мерапрыемства “Беларускія зоркі”, прысвечанае палёту у космас Марыны Васілеўскай ,Алега Навіцкага,Уладзіміра Кавалёнка і Пятра Клімука.
Па выніках першага дня, наша воблака слоў: “Радзіма”, “Вера”, “Гасціннасць”.
Шмат уражанняў удзельнікам лагера “ Нашчадкі” прынёс другі дзень.
Ён пачаўся з хвілінкі бяспекі “Правила дорожные- знать каждому положено…” Педагагічны атрад прапанаваў рухомую пазнавальную гульню па ПДР.
У чароўны свет беларускай мовы “Нашчадкі” акунуліся падчас інтэрактыўнага ўрока “Смак беларускай мовы”.
Вынікам якога стала праца выдавецтва “Роднае слова”. Кніжка-маляванка не толькі пазнаёміць з новымі словамі,навучыць перакладаць іх на рускую мову, але і дапаможа расфарбаваць дзіцячы свет яркімі колерамі радасці і асалоды.
У вянок беларускага танца мы дабавілі танец “Ульяніца”. Майстар клас правялі дзеці, якія наведваюць танцавальны калектыў “Гармонія”.
Тэму беларускага мастацтва мы працягнулі падчас наведвання лялечнага прадстаўлення батлеечнага тэатра Любчанскай сярэдняй школы.
У рубрыцы “Гонар Беларусі” адбылася сустрэча з начальнікам упраўлення адукацыі Навагрудскага райвыканкама Мароз Л.В.
У завяршэнні дня воблака слоў дапоўнілі “родная мова” і “нацыянальнае культура”.
Трэці дзень для наведвальнікаў лагера “Нашчадкі” быў вельмі насычаным не толькі новымі ўражаннямі, але і духоўнымі каштоўнасцямі. Да іх дзіцячыя сэрцы і душы змаглі дакрануцца ў час экскурсіі ў храм Святога прарока Іліі ў Любчы. Айцец Аляксандр Івойлаў не толькі расказаў аб гісторыі храма і святынях, якія там знаходзяцца, але і засяродзіў ўвагу на праваслаўных традыцыях беларускага народа, аб важнасці паста як перыяду пакаяння. З асаблівым пачуццём дзеці прыкладаліся да святынь і з непасрэднай дзіцячай верай прасілі дапамогі не толькі для сваёй сям’і, але і міра для ўсіх людзей свету.
Наступным нашым турыстычным аб’ектам стала Любчанская школа, якая знакаміта сваім народным гісторыка-краязнаўчым музеем Любчанскага краю.Восем аддзелаў, 1900 экспанатаў прысвечаных самым важным падзеям у гісторыі нашай краіны. Асабліва нас кранулі экспанаты прысвечаныя падзеям і героям Вялікай Айчыннай вайны.
Гістарычным сэрцам Любчы з’яўляецца замак 16 стагоддзя, які пабудаваў магнат Ян Кішка. Большая частка замка адноўлена.
Менавіта ў Любчы мы зразумелі чаму наш край называюць Прынямонне.Які ж прыгажун наш “бацька”Нёман!”.
Паспрабавалі мы гаючую сілу ваду з крыніцы, асвечанай у гонар Свяціцеля Мікалая ў вёсцы Мотча.
Вярталіся мы дамоў поўныя яркіх уражанняў, а на памяць аб падарожжы правялі творчы хэйд-мэйд- стварылі фотакалаж і макет Любчанскага замка.
У рубрыцы “Гонар Беларусі” з намі была начальнік аддзела ідэалогіі і па рабоце з моладдзю Навагрудскага райвыканкама Жышко Н.М.
Цікава мы бавілі час гуляючы ў гульню- хадзілку " Мая Радзіма- Беларусь", якую самі распрацавалі.
Нам, дарослым, здавалася, што нашы дзеці вельмі пасталелі ўсяго за адзін дзень.
У воблака слоў дабавіліся паняцці “продкі”, “прыгажосць”.
Чацвёрты дзень пачаўся з наведвання аднаго з флагманаў лёгкай прамысловасці нашай краіны ОАА “БелКрэда”. У Год якасці мы пераканаліся, якія прыгожыя вырабы пастаўляюць на нацыянальны рынак навагрудскія швейнікі. Дырэктар прэдпрыемства Хмарык А.С. прыняла удзел у нашай рубразы “Гонар Беларуси”.
Сёлета Беларусь адзначае 80-годдзе Вызвалення ад нямецка-фашысцкіх захопнікаў у гады Вялікай Айчыннай вайны. Аддаць даніну павагі і ўшанаваць памяць загінулых мы вырашылі на вайсковых могілках раённага цэнтра.
Самыя высокародныя пачуцці абудзіў у нашых сэрцах і душах прагляд спектакля “Дарогаю дабра”, на які нас запрасіў Цэнтр дадатковай адукацыі і моладзі “Дар”.
Лялька сваімі рукамі! Гэту мару нам дапамаглі ажыццявіць у Цэнтры “Дар”.
Пазнавальна-гульнёвая праграма “Знаёмцеся, беларускія строі!” дала магчымасць нам пазнаёміцца з гісторыяй нацыянальнага адзення. Народны касцюм Беларусі на інтэрактыўнай карце.
А вось з нацыянальным абрадам “Засеўкі” мы не толькі пазнаёміліся, але і сталі яго актыўнымі ўдзельнікамі.
У вянок беларускага танца мы дабавілі “Кадрыль”.
У рубрыцы “Гонар Беларусі” адбыўся аўдыёмост з Урбановіч С.Н., вядучым тэхнолагам Свіслачскай хлебапякарні, якая распрацавала ўнікальны рэцэпт “Бацькавай булкі”, які стаў пачаткам аднайменнага фестывалю ў Свіслачы. Святлана Мікалаеўна падзялілася гэтым рэцэптам, а нашы дзяўчынкі паспрабавалі яго спячы. Выйшла смаката!!! А яшчэ знакаміты майстар падзялілася з намі рэцэптамі Вялікодных пірагоў.
Вось такі цікавы і карысны дзень у нас атрымаўся.
А у воблака слоў мы дабавілі “нацыянальная памяць” і “працавітасць”.
Чарговы дзень для лагера «Нашчадкі» пачаўся з эксурсіі на Замкавую гару Навагрудка. Сёлета спаўняецца 980 год нашаму раённаму цэнтру. Адчуць жывы подых гісторыі і ўбачыць “старажытных муроў адраджэнне”, дакрануцца да сцен, якія памятаюць крыжакоў было вельмі цікава і хвалююча.
Наступны прыпынак нашай машыны часу адбыўся ў Цэнтры рамёстваў, дзе з намі правялі майстар-класы па традыцыйных народных рамёствах: саломапляценне, выцінанка, выраб лялек-мотанак…Мы маглі на непрацяглы час адчуць сябе сярэдневяковымі сялянамі і заўважыць , што выхаванне дзяцей,мацярынства, сям’я-гэта аснова беларускай культуры.
У рубрыцы “Гонар Беларусі”у Цэнтры рамёстваў у нас адбылася дыялогавая пляцоўка з Чалавекам Гродзеншчыны, лаурэатам спецыяльнай прэміі Прэзідэнта Рэспублікі Беларусь, майстарам выцінанкі Клімко Н.А.
У праваслаўным сястрынстве нас чакала духоўна-асветніцкая пляцоўка “Дарогаю дабра - да Светлай Пасхі”, якая прынесла чысціню і свет нашым душам.
“Нашчадкі” прынялі актыўны ўдзел у акцыі “Мы выбірам жыццё без наркотыкаў”.
Сустрэча са святаром храма айцом Яўгеніям “Вера і праваслаўныя традыцыі у жыцці беларускага народа” засяродзілі ўвагу як хрысціянскія каштоўнасці сталі маральным компасам у жыцці беларусаў. Вялікую радасць дзецям прынясла гульня ў футбол разам з бацюшкай.
Калектыўная творчая справа “Традыцыі маёй сям’і і год якасці” далі магчымасць дзецям расказаць не толькі пра свае сем’і, але і прэзентаваць тыя заняткі, якія аб’ядноўваюць некалькі пакаленняў сваякоў. Наведалі мы майстэрню-салон майстра па вырабу мэблі Рудзіка У.І.
У вянок беларускага танца мы дабавілі танец “ручнікі”, якія, дарэчы, вышілі нашыя бабулі.
Лагічным завяршэннем дня стала творчая майстэрня “І расцвіце талерка кветкай…”
У воблака слоў мы дабавілі:” сям’я” і” выхаванне дзяцей”.
Усё зямное мае свой пачатак і свой канец. Вось і надыйшоў апошні дзень профільнай патрыятычнай і духоўна- маральнай змены нашага лагера. Яго мы правялі пад дэвізам “ З вялікай любоў да малой Радзімы”. І адправіліся мы на экскурсію ў народны гісторыка краязнаўчы музей нашай школы, а потым па роднай вёсцыя, па тых мілых сэрцу вуліцах, якія прабягаем ў сваіх клопатах і турботах. Сёння мы мелі час пастаяць у задуменні каля вадаспада, некалі млына. Пагартаць старонкі былой вайны.Даведацца аб гістарычнай і культурнай каштоўнасці Валеўкі- царкве святых апосталаў Пятра і Паўла, якой больш за 300гадоў, але гэта была не толькі экскурсія. Гэта была акцыя “Будзь побач з тым каму ты патрэбен”. Школьнаму музею мы перадалі макет Любчанскага замка, у парку размясцілі шпакоўню, навялі парадак ля брацкай магілы і ў нашым храме, прынялі ўдзел у акцыі " У Бога ўсе жывыя...". Спытаецеся як мы гэта ўсё паспелі? Адказ адзін: грамада! Менавіта так жылі і працавалі нашы продкі. Гэта слова мы і дабавілі ў воблака слоў. Мы моцныя- калі мы разам!
На ўрачыстай лінейцы закрыцця, хлопчыкі і дзяўчынкі гаварылі аб тым, што ўсю змену кожны з іх стараўся з маленькіх зярнятак веры і любві, закінутых сейбітамі , вырасціць каласкі. Мы працавалі ў полі сваёй душы, выполваючы з яго пустазелле. Гэта было цяжка і балюча . Колос да каласка і за 6 дзён у нас атрымаўся снапок.
Без хлеба няма жыцця. Як няма жыцця без Бога, без веры і без Радзімы. Дык давайце ў Год якасці ў вялікае сэрдца нашай Радзімы змесцім і свой маленькі снапок. Наша Беларусь такая, якой мы яё ствараем. І самае галоўнае- якія мы, такая і яна, наша Беларусь.
Дзеці змясцілі свой снапок у падрыхтаваны арт-аб’ект. Лінейка завяршылася сумесным выкананнем песні “Не прадаецца хата бацькоў”, якая стала гімнам малой Радзіме.
Мы не развітваліся з цікавым жыццём лагера, мы сказалі яму: “Да наступнай вясны! Да пабачэння”. Кожны атрымаў падарункі ад дырэктара лагера Адашкевіч І.М.
Анкета-рэфлексія паказала, што ўсе ўдзельнікі змены задаволены сваім знаходжаннем ў лагеры і маюць жаданне адпачыць у профільным патрыятычным і духоўна-маральным лагеры на наступны год.